ஒய்வுநிலை இராணுவ அதிகாரியும் அகில இலங்கைக்குமான சமாதான நீதவானாகவும் இருந்த அமரர் செல்லப்பு துரைரத்தினம் அவர்கள் தன் ஓய்வு நிலையில் இதயமுடுக்கி பொருத்தப்பட்ட நிலையிலும் ஒய்வாய் இல்லாமல் வளலாயின் எல்லா தன்னார்வ நிறுவனங்களிலும் முக்கிய பதவிகளில் இருந்து வளலாயின் மீள்நிர்மாணப்பணிகளில் பெரும்பங் காற்றினார்.

உள்நாட்டு யுத்தத்தில் இராணுவபாதுகாப்பு வலயத்தினுள் அகப்பட்ட கிராமங்களில் மிகமோசமாகப் பாதிக்கப்பட்ட கிராமங்களில் வளலாயும் ஒன்றாகும். எனவே இவர் இருப்பும் சேவையும் எமக்கு வளலாய் கிராமத்தை வாழுந்தகவுடையதாக மாற்றி மீளமைப்பதில் வரப்பிரசாதமாக அமைந்தது. கண்ணிவெடிகள் அகற்றப்படுவ திலிருந்து ஆரம்பித்து ஆலய மீள்நிரமாணம் சுடுகாடு மடம் அந்தியேட்டி மடம் வளலாய் அமெரிக்கன் மிசன் தமிழ் கலவன் பாடசாலை ஆரம்பிப்பது வரை அரச மற்றும் லாப நோக்கற்ற நிறுவனங்களினால் வழங்கப்பட்ட உதவிகள் வேறு கிராமங்களுக்கு மடை மாற்றப்படாமலிருக்க வளலாய் மக்களை ஒருங்கிணைத்து போராடினார்.

அரசினால் ஆரம்பிக்கப்பட்ட உதவிகளுக்கு மேலதிக பணம் தேவைப்பட்ட போது புலம் பெயர் நிலங்களில் வாழும் வளலாய் உறவுகளுடன் தொடர்பு கொண்டு அவை நிறைவேறவும் உதவினார் தவிர தனிப்பட்ட வகையில மக்கள் அரச உதவிகள் பெறுதற்கும் படிவங்கள் நிரப்பிக் கொடுத்து உதவினார். அவரது போரட்டங்களில் தலையாயதாய் விளங்கியது வளலாய் அமெரிக்க மிசன் பாடசாலை மீளமைப்பாகும். ஆனால் இன்றுவரை அப்பாடசாலை தற்காலிக கட்டத்தில்தான் இயங்கி வருகின்றது. அதற்கான நிரந்தர கட்டடத்திற்கான அடிக்கல் இறுதியில் ஜனவரி 31 2018, நாட்டப்பட்டுள்ளது.

அமரர் செல்லப்பு துரைரத்தினம் சமாதான நீதவான் (அகில இலங்கை) அவர்களின் இறுதிச் சடங்குகள் மற்றும் இறுதி ஊர்வல நிகழ்வின் காணொளி

February 7, 2018

இராணுவ அணிவகுப்புடன் அமரர் துரைரத்தினம் (அகில இலங்கை சமாதனான நீதவான்) அவர்களின் இறுதி ஊர்வலம்

February 3, 2018

திரு செல்லப்பு துரைரத்தினம்
(அகில இலங்கை சமாதான நீதவான்)
ஓய்வுநிலை இராணுவ அதிகாரி

திரு செல்லப்பு துரைரத்தினம் சனிக்கிழமை, Feb. 03 2018 காலை இலங்கை நேரம் 5.30 மணியளவில் இலங்கையில் காலமானார்.

வளலாயினை பிறப்பிடமாகவும் வறணன், கதிரிப்பாய், அச்சுவேலியினை வசிப்பிடமாகவும் கொண்ட அமரர் செல்லப்பு துரைரத்தினம் (வளலாய் பாரதி சனசமூக நிலைய தலைவரும், வளலாய் மீள்குடியேற்ற குழுத் தலைவரும், வளலாய் பெரிய நாகதம்பிரான் ஆலய அறங்காவலர் சபை தலைவரும், வளலாய் முதியோர் சங்க தலைவரும், வளலாய் பிரஜைகள் குழுத்தலைவரும்),

திருமதி மகேஸ்வரி துரைரத்திணம் அவர்களின் (இலங்கை) அன்புக் கணவரும்,

திருமதி கௌரி புனிதராஜா (UK), திருமதி புனிதராணி குணசீலன் (UK), திருமதி குமுதராணி சக்திகுமார் (UK), திரு துரைரத்தினம் சுரேஸ்குமர் (அவுஸ்ரேலியா) ஆகியோரின் பாசமிகு தந்தையும்,

ஐக்கிய இராச்சியத்தில் வசிக்கும் ஹரிராம், ஜெராம், பிரியா, சரண்யா, ரம்யா, மற்றும் அவுஸ்ரேலியாவில் வசிக்கும் அபிராமி, மேனன், அபிலக்ஷ் ஆகியோரின் பாசமிகு பேரனும்,

அமரர் திருமதி பாக்கியம் வடிவேலு, அமரர் திரு செல்லப்பு நவரத்தினம், அமரர் திருமதி தங்கரத்தினம் சங்கரலிங்கம், திரு செல்லப்பு இராசரத்தினம், திரு செல்லப்பு அன்னரத்தினம் ஆகியோரின் சகோதரனும் ஆவார்.

அன்னாரின் இறுதிச்சடங்குகள் 2018.02.07 புதன்கிழமை அன்னாரின் இல்லத்தில் நடைபெற்று அன்னாரின் பூதவுடன் வளலாய் கூனங் காடு இந்து மைதானத்தில் தகனம் செய்யப்படும்.

இத்தகவலை உற்றார் உறவினர் மற்றும் நண்பர்கள் ஏற்றுக்கொள்ளுமாறு கேட்டுக்கொள்ளப்படுகின்றனர்.

தொடர்புகளுக்கு : ‎+94776743932
மனைவி
இலங்கை