அமரர் செல்வி சிவஞானலட்சுமி அவர்கள் நினைவு வளலாய் உறவுகள் மத்தியில் நீங்காது நிலைக்கும் வகையில் பூங்கொடி அறிவாலய கட்டடத்தை வளலாய் பாரதி சனசமூக வளாகத்தில் நிர்மாணித்து அக்கட்டட த்தை வளலாய் உறவுகளின் பயன்பாட்டுக்கென ஆகஸ்ட் 28 2018 அன்று சம்பிரதாயபூர்வமாக மூத்ததம்பி குமாரசாமி குடும்பத்தினர் கையளிக்க உள்ளனர். இத்தருணத்தில் மூத்ததம்பி குமாரசாமி குடும்பத்தாரின் தாராள கொடை உணர்வை கனடா வாழ் வளலாய் உறவுகள் பாராட்டி வாழ்த்துவதோடு தமது நெஞ்சம் நிறைந்த நன்றி யையும் நவில்கின்றனர்.

வளலாய் பாரதி சனசமூக வளாகத்தில் அமைய பெற்ற பூங்கொடி அறிவாலய திறப்பு விழா வளலாய் பாரதி சனசமூக வளாகத்தில் மூத்ததம்பி குமாரசாமி குடும்பத்தினரால் அமைக்க பெற்றுவரும் பூங்கொடி அறிவாலயத்தின் கட்டட நிர்மாண பணியின் பெரும்பகுதி பூர்தியடைந்துள்ளதுடன், அதனை மக்களின் பாவனைக்காக திறந்து வைக்கும் நிகழ்வு 2018.08.28 திகதி செவ்வாய்கிழமை பிற்பகல் 4.00 தொடக்கம் 7.00 மணிவரையான சுப வேளையில் இடம் பெறவுள்ளதனால் இந்நிகழ்வில் அனைவரையும் கலந்து சிறப்பிக்குமாறு அன்புடன் அழைக்கின்றனர் குமாரசாமி குடும்பத்தினர் மற்றும் வளலாய் மேற்கு பாரதி சனசமூக நிலைய நிர்வாக குழுவினர்.

மேற்படி இவ் அறிவாலயக் கட்டம் இருமாடிகளை கொண்டதாகவுள்ளது இதில் சனசமூக நிலையத்தின் நூலகம், கணணிக் கூடம் சிறுவர் பூங்காவும் அமையப்பெறுவதுடன் வளலாய் உபதபால் அலுவலகமும் கிராமசேவகர் அலுவலகமும் இயங்கவுள்ளது. மேலும் பூங்கொடி அறிவாலய திறப்புவிழாவின் போது திறப்புவிழா மலர் வெளியிடப்படவுள்ளதினால் எமது வளலாய் கிராமத்தின் தொன்மை, சமூக கலச்சார விழுமியங்களை பிரதிபலிக்கும் புகைப்படங்கள் மற்றும் பாரதி சனசமூக நிலையத்தின் இடப்பெயர்வுக்கு முன்னதான தோற்றத்தினை உள்ளடக்கிய புகைப்படம் எவைனும் இருப்பின் வளலாய் உறவுகளிடம் இருந்து விழா மலர் ஏற்பாட்டாளர்கள் எதிர்பாரகின்றனர்.

தொடர்புகளிற்கான மின்னஞ்சல் முகவரி - kumaranvalalai @gmail.com, info@valalai.org

கட்டுமானப் பணிகள் நிறைவடையும் நிலையில் வளலாய் பாரதி சனசமூக நிலையம்